Beint í efni
Um dk

Um dk hugbúnað

dk hugbúnaður býður upp á alhliða viðskipta- og upplýsingakerfi sem er þróað á Íslandi fyrir íslenskar aðstæður og hefur verið einn vinsælasti viðskiptahugbúnaður landsins í yfir 25 ár.

Við erum ábyrgir markaðsleiðtogar sem með snjöllum og áreiðanlegum viðskiptalausnum sköpum virðisauka fyrir viðskiptavini okkar og viðskiptavini þeirra.

Hjá dk starfar öflugur hópur fólks, með mikla reynslu, góða menntun og sérhæfingu. Starfsfólk dk hugbúnaðar veitir aðstoð við úttekt á þörfum fyrirtækja og gefur góð ráð við endurskipulagningu þeirra. Áhersla okkar er á ánægða viðskiptavini, nýsköpun og gæði.

dk hugbúnaður

Stofnað 1. desember 1998

Höfuðstöðvar fyrirtækisins eru á Dalvegi 30 í Kópavogi og er fyrirtækið með útibú á Akureyri, í Hafnarstræti 53.

Í dag eru notendur dk hugbúnaðar hérlendis yfir tíu þúsund. Þeir eru úr flestum atvinnugreinum og fjölgar ört. dk hugbúnaður er nú leiðandi fyrirtæki á sviði viðskiptahugbúnaðar fyrir smærri og meðalstór fyrirtæki.

Hröð, nákvæm og örugg meðhöndlun upplýsinga er lykilþáttur í rekstri fyrirtækja og er ráðandi, jafnt við daglega stjórnun sem stefnumótandi ákvarðanir.

Við erum stöðugt að þróa nýjar lausnir og leggjum okkur fram við að viðskiptavinir okkar njóti bestu lausna og þjónustu hverju sinni. Áherslan er á bestu þjónustu við viðskiptavini, nýsköpun og gæði.

dk hugbúnaður

Dalvegur 30

Dalvegur 30
201 Kópavogur
Sími 510-5800

Hafnarstræti 53

600 Akureyri
Sími 510-5800

Sagan


dk hugbúnaður

2023

dk fagnar 25 ára afmæli og fyrirtækið flytur höfuðstöðvar sínar úr Turninum Smáratorgi á Dalveg 30 í Kópavogi.

2020

TSS kaupir dk hugbúnað. TSS rekur alls 164 fyrirtæki í 26 löndum og leggur áherslu á að auka virði fyrirtækja sinna með því að þróa leiðandi hugbúnaðarlausnir.

2017

dk flytur í Turninn, 15. hæð, Smáratorgi 3 í Kópavogi og starfsmenn orðnir 57 talsins. 510 nýir viðskiptavinir á árinu sem er met og yfir 6.000 fyrirtæki nota dk viðskiptahugbúnaðinn.

2016

Fleiri vef- og App-lausnir líta dagsins ljós.

2015

46 starfsmenn og velta dk hugbúnaðar ehf. fyrir árið fer yfir 1 milljarð kr.

2014

Flestir nýir viðskiptavinir koma í áskrift og hýsingu. Yfir 400 verslanir nota dkPOS afgreiðslukerfið á um 900 afgreiðslukössum.

2013

Tveimur af þremur starfsstöðvum í Englandi er lokað og dk flytur úr Hlíðasmára 17 í Orkuveituhúsið á Bæjarhálsi 1. Fyrsta App-lausnin hjá dk, dkPos iOS fyrir veitingastaði kemur út. dk flytur starfsstöðina á Akureyri af Skipagötu í Hafnarstræti 53.

2012

dk byrjar að selja viðskiptahugbúnaðinn í áskrift. Þróun á fyrsta appinu hefst. Starfsmenn orðnir 43 talsins.

2011

dk opnar starfsstöð á Akureyri í Skipagötu. Fimm starfsmenn hefja störf þar.

2010

480 ný fyrirtæki tóku dk í notkun á árinu sem er met og starfsmenn orðnir 35 talsins.

2008

Ný útgáfa af Félagakerfinu kemur út og gerður er samningur við Bandalag starfsmanna ríkis og bæja (BSRB) um heildarlausn fyrir aðildarfélög þess. Í árslok er allri útrás til norðurlandanna hætt. Skrifstofu í Uppsala og Malmö er lokað. Um mitt árið eru viðskiptavinir dk orðnir 3.000 talsins að bændum meðtöldum.

2007

Opnuð er ný starfsstöð í Powick í Worcestershire á Englandi og Elim Pentecostal Churches gera samning við dk um að taka upp kerfið hjá 500 kirkjum vítt og breitt um Bretland.

2006

dk stofnar hýsingarþjónustu (dkVistun) og fyrstu fyrirtækin koma í hýsingu. dkPOS afgreiðslukerfið fer í sölu. Um mitt árið eru starfsmenn orðnir 20 talsins.

2005

Þróun á dkPOS afgreiðslukerfinu hefst.

2004

dk flytur úr Hlíðarsmára 8 í Hlíðarsmára 17. Kensington Temple London City Church tekur dk í notkun fyrir alla sína starfsemi með 15 samtímanotendum og á Íslandi kemur þúsundasti viðskiptavinurinn á almennu útgáfuna og aðilar í búrekstri (bændur) með dkBúbót eru orðnir 740 talsins.

2003

Á haustmánuðum hefst útrás til Danmerkur, Svíþjóðar og Englands og þýðing á dk yfir á dönsku, sænsku og ensku hefst. dk setur upp starfsstöðvar í Kaupmannahöfn, Uppsala og London.

2002

dk gerir samning við Bændasamtök Íslands og hefur framleiðslu á dkBúbót. dk gerir einnig samning við Bandalag háskólamanna (BHM) um heildarlausn fyrir aðildarfélög þess. Í nóvember kynnir dk stjórnendaverkfæri og er fyrsti íslenski viðskiptahugbúnaðurinn með innbyggð greiningartól til að miðla upplýsingum til stjórnenda.

2001

Í janúar kemur fyrsta eintakið af dk viðskiptahugbúnaðinum út. Rás og Rafvör eru fyrstu fyrirtækin til að taka sölukerfið í notkun. Gerður er samningur við Kennarasamband Íslands (KÍ) um heildarlausn fyrir aðildarfélög þess.

2000

Merki félagsins verður til og dk Framtal, fyrsta vara dk fer í sölu.

1998

dk hugbúnaður ehf. er stofnaður þann 1. desember.