fbpx Skip to main content
 
 

Námskeið hjá dk

Skráning hafin á fjarnámskeið með Zoom

Mínar síður hjá dk

Mínar síður hjá dk

By dk hugbúnaður

Mínar síður hjá dk

Innri vefur viðskiptavina

Nú höfum við hjá dk sett í loftið Mínar síður. Mínar síður eru innri vefur viðskiptavina dk.

Vefurinn gerir viðskiptavinum dk kleift að skoða og nálgast gögn sem þeim tengjast.

  • Reikninga
  • Hreyfingar
  • Samningar

Til þess að nota Mínar síður hjá dk, þarf að senda þjónustubeiðni á hjalp@dk.is  – taka þarf fram kennitölu fyrirtækis og netfang þess aðila sem á að hafa aðgengi að Mínum síðum.

Það felst mikið hagræði í því fyrir viðskiptavini að geta sjálfir nálgast gögnin sín þegar þeim hentar.

Þetta er fyrsta skrefið í því að opna skrifstofuna okkar 24/7 viðskiptavinum okkar að kostnaðarlausu.

Við erum að þróa Mínar síður og horfum þar sérstaklega til bættrar þjónustu á netinu, þægilegrar notkunar í farsímum og að Mínar síður sé notendavæn lausn sem einfaldar aðgengi viðskiptavina að mikilvægum gögnum.

Til að fá aðgengi að Mínum síðum, er best að senda þjónustubeiðni á hjalp@dk.is eða með því að senda beiðni hér.

Sjá mínar síður https://minar.dk.is/

Mínar síður fyrir þína viðskiptavini

Vilt þú setja upp Mínar síður fyrir þína viðskiptavini?

Fyrirtæki sem eru í viðskiptum við dk, geta fengið aðgengi að Mínum síðum fyrir sína viðskiptavini.

Þannig geta þínir viðskiptavinir m.a. fengið aðgengi að:

  • Reikningum (skoða, prenta og vista)
  • Hreyfingum (skoða, prenta og vista)
  • Skjölum / Samningum (skoða, prenta og vista)

Fyrirtæki geta sérsniðið Mínar síður

  • Tungumál
  • Sett inn Logo
  • Litaþema

Fyrirtæki þurfa að vera með dk Plús þjónustu uppsetta til að geta skráð sig inn á Mínar síður og veitt viðskiptavinum sínum aðgengi að þjónustu.

Dæmi um fyrirtæki sem nýta sér þessa þjónustu fyrir sína viðskiptavini eru Málning hf.

Verið í sambandi við söludeild dk hugbúnaðar varðandi uppsetningu og kostnað fyrir Mínar síður fyrir þína viðskiptavini.

Senda þjónustubeiðni

Minar síður view
Unimaze logo

Rafrænir reikningar með dk

By dk hugbúnaður

Rafrænir reikningar með dk

Sending og móttaka rafrænna reikninga

Rafrænir reikningar eru mikilvægur hluti af viðskiptum í dag. dk býður upp á sendingu og móttöku rafrænna reikninga.

Með því að taka upp rafrænar reikning er hægt að ná fram mikilli hagræðingu og spara mikinn tíma. Upplýsingar skila sér hratt milli kerfi og greiðslur berast hraðar en áður.

Svo hægt sé að senda eða móttaka rafræna reikninga, þarf að virkja þjónustu skeytamiðlunar, sem starfsmenn dk sjá um.

Rafrænir reikningar nýtast í hinum ýmsu kerfum dk

  • Sölureikningakerfi, senda rafræna reikninga á viðskiptavini
  • Lánardrottnakerfi, innlestur rafrænna lánardrottnareikninga
  • Innkaupakerfi, lesa inn rafræna innkaupareikninga
  • Verkbókhaldskerfi, senda fylgiblöð rafrænt með verkreikningum

Ávinningur af því að taka upp rafræna reikninga

  • Aukinn hagnaður og lækkaður kostnaður
  • Umhverfisvænn kostur fyrir fyrirtæki
  • Einföld sending og móttaka rafrænna reikninga og annarra viðskiptaskjala
  • Sjálfvirkt, rafrænt bókhald sem lækkar kostnað
  • Fullkomin yfirsýn og rekjanleiki yfir reikninga og önnur viðskiptaskjöl.
  • Lausnin er skalanleg fyrir allar stærðir fyrirtækja

Fyrir Innkaupakerfi verður ferlið fullkomlega sjálfvirkt og rafrænt

  • Tilboðsbeiðni
  • Tilboð
  • Pöntun
  • Svar við pöntun
  • Reikningur eða kreditnóta
  • Greiðslutilkynning
  • Gagnabirting

Hafið samband og við aðstoðum þig að byrja að senda og móttaka reikninga.

Sjá nánar á dk.is

Skeytamiðlari fyrir rafrænar reikninga

Unimaze er samstarfsaðili dk í rafrænum skeytasendingum. Unimaze er skeytamiðlari sem sérhæfir sig í vönduðum lausnum sem auðvelda rafræn viðskipti.

Skeytamiðlari eins og nafnið gefur til kynna miðlar skeytum frá einum aðila til annars. Skeytin eru öll á öruggu og stöðluðu rafrænu formi. Miðlun skeytanna fer fram í skýinu og engin þörf er á því að notendur skeytamiðlunarinnar niðurhali sérstöku forriti.

Sjá nánar Unimaze

Bemar bókunar og húsumsjónarkerfi

Bemar bókunar- og húsumsjónarkerfi

By Fréttir

Bemar bókunar- og húsumsjónarkerfi

Bemar fyrir gististaði

Bemar er bókunar og húsumsjónarkerfi fyrir gististaði og afþreyingu. Kerfið er samtengjanlegt hinum ýmsu kerfum m.a. Booking, Expedia, Airbnb, dk bókhaldskerfi og Saltpay greiðslukerfi. Skýjaþjónusta Bemar er heildarlausn fyrir gististaði með eða án vefsíðu og vefpósts.

dk tenging við Bemar

dk og Bemar bókunar- og húsumsjónarkerfi eru samtengd með API tækni. Þannig verða bókanir sjálfvirkt að reikning í dk t.d. á komudegi gests.

Heildarlausn fyrir gististaði

Gististaðir geta valið heildarlausn hjá Bemar eða stakar þjónustur. Bókunar- og húsumsjónarkerfi ásamt samtengingum við söluaðila – Vefsíða og hýsing – Vefpóstur, Google Workspace fylgir með – Ýmsar viðbætur, t.d. dk hugbúnaður og Saltpay.

Einfalt í uppsetningu og notkun

  • Bemar annast uppsetningu og samþættingu sér fyrir hvern notanda, allt afhent uppsett og tilbúið með vörunúmer og annað samþætt á milli kerfanna.
  • Notandi getur valið ýmsar stillingar t.d. hvort allar bókanir verði að reikning í dk eða bókanir frá ákveðnum sölurásum.
  • Bemar raðar bókunum í stök herbergi í dk, það einfaldar notagildi dk viðbóta eins og td. dk afgreiðslukerfi sé óskað eftir því.

Ný samtenging milli Bemar og dk

Ný samtenging á milli Bemar og dk er milliliðalaus sem skapaði mikla verðlækkun. Uppsetning og samþætting lækkaði um 2/3, kostar núna 75.000kr án virðisauka fyrir hefðbundið hótel eða gistiheimili. Innifalið í mánaðargjaldi er dagleg samkeyrsla á milli kerfanna ásamt hefðbundnu eftirliti (öryggisafritun af færslum) og smærri breytingar og lagfæringar.

Sjá nánar

Sjá nánar um Bemar: https://bemarbooking.eu

Nánar um dk fyrir hótel og ferðaþjónustu: https://dk.is/hotel-og-ferdathjonusta

 

 

 

 

 

 

 

 

 

 

Staðgreiðsla 2022

By dk hugbúnaður

Staðgreiðsla 2022

Eins og alltaf um áramót eiga sér stað breytingar á skattprósentum. Sumt af þessu þarf að laga í dk en annað ekki. Viðskiptavinir í dk Vistun þurfa ekki að breyta launaupplýsingum hjá sér, það er gert miðlægt í vistuninni. Við skulum byrja á að skoða hvað gerist í staðgreiðslu launa:

Staðgreiðsla skatta verður áfram þrískipt:

  • Af fyrstu 370.482 – 31.45%
  • Af næstu 669.624 – 37,95%
  • Af launum umfram 1.040.106 – 46,25%

Það er um að gera að minna notendur dk hugbúnaðar á að hægt er að setja inn laun greidd af öðrum launagreiðanda og þannig tryggja að starfsmenn greiði raunverulega skatta og lendi ekki í skattaskuld við álagningu. Þetta er gert í launakerfinu undir Launþegar og <F5> Áætluð laun frá öðrum launagreiðendum.

Persónuafsláttur

Breyting verður á Persónuafslætti og verður kr. 53.916 á mánuði. Börn fædd 2007 og síðar greiða hins vegar 6% skatt af tekjum umfram 180.000.

Tryggingagjald

Tryggingagjald er 6,35% af launum, tryggingagjald af launum sjómanna á fiskiskipum er 7%.

Laun og launamiðar

Skilafrestur á launamiðum á rafrænu formi er fyrir 20. janúar 2022. Launamiðar eru sendir beint úr launakerfinu undir Vinnslur og Launamiðar (RSK 2.01). Áður en launamiðar eru sendir út er rétt að skoða Uppsetningu – Almennar stillingar og athuga hvort ekki sé réttur veflykill skráður vegna rafrænna skila á launamiðum og eins hvort ekki sé rétt slóð fyrir vefþjónustu. (https://vefur.rsk.is/ws/Gagnaskil/GagnaskilService.svc).

dk útgáfa

Áramótaútgáfa af dk með launamiðum 2022 kemur út á næstu dögum.

Leiðbeiningar

Leiðbeiningar um innsendingu launamiða eru á heimasíðu dk https://dk.is/leidbeiningar-og-hjalparefni/

Allar frekari upplýsingar á vef Skattstjóra https://www.skatturinn.is/einstaklingar/stadgreidsla/skattthrep/2022/#

 

Jónas Yngvi Ásgrímsson

 

 

Áramótavinnslur í dk

Áramót með dk

By dk hugbúnaður

Hvað þarf að huga að í dk um áramót?

Áramótavinnslur

Stutt myndbönd

Hér er búið að taka saman stutt myndbönd sem sýna helstu atriðin sem gæti þurft að gera í kerfinu um áramót. Þessar vinnslur eru oftast kallaðar áramótavinnslur.

  • Stofna bókhaldstímabil
  • Talningar
  • Framkvæmd launa- og verktakamiða
  • Afstemmingar skuldalista við fjárhag
  • Margt fleira

Notendafræðsla

NOTENDAFRÆÐSLA eru stutt, hnitmiðuð námskeið sem eiga að sýna notanda ákveðna virkni á fljótlegan hátt.

Þessi og fleiri myndbönd eru aðgengileg á vefsíðunni okkar undir Þjónusta – Leiðbeiningar & hjálparefni.

Birgðir | Vörutalning 3:58

Í þessu myndbandi er farið yfir hvernig talning er gerð í birgðakerfi dk

Birgðir | Núlltalning 2:43

Í þessu myndbandi er farið yfir hvernig núlltalning er gerð í birgðakerfi dk

Launakerfi dk | Launamiðar 2:48

Í þessu myndbandi er farið yfir hvernig launamiðar eru gerðir í launakerfinu og sendir rafrænt til RSK

Launakerfi dk | Nýtt launaár og staðgreiðsluforsendur 1:52

Í þessu myndbandi er farið yfir hvernig nýtt launaár og staðgreiðsluforsendur eru stofnaðar.

dk | Verktakamiðar í fjárhag 4:00

Í þessu myndbandi er farið yfir hvernig verktakamiðar eru gerðir í fjárhagskerfi dk

dk | Afstemming skuldalista við aðalbók 2:58

Í þessu myndbandi er farið yfir hvernig skuldalistar í lánardrottnum og skuldunautum eru afstemmdir við aðalbók í fjárhag

dk | Áramótasaldólyklar 2:46

Í þessu myndbandi er sýnt hvernig áramótasaldólyklar eru stilltir á bókhaldslyklum í dk

dk | Opnunarstöður 1:59

Í þessu myndbandi er farið yfir opnunarstöður í dk

dk | Stofna bókhaldstímabil 0:53

Í þessu myndbandi er farið yfir hvernig nýtt bókhaldstímabil er stofnað í dk

dk | Sjálfgefið bókhaldstímabil 0:44

Í þessu myndbandi er farið yfir hvernig sett er á sjálfgefið bókhaldstímabil í dk

dk | Loka bókhaldstímabili 0:56

Í þessu myndbandi er farið yfir hvernig hægt er að loka bókhaldstímabili í dk

Lánardrottnar dk | Verktakamiðar 2:57

Í þessu myndbandi er farið yfir hvernig verktakamiðar eru gerðir í lánardrottnakerfi dk

dk | Núllstilla fylgiskjalanúmer 3:11

Í þessu myndbandi er farið yfir hvernig hægt er að núllstilla fylgiskjalanúmer í dk

Skrifað af:

Ólöf Harpa Skúladóttir

sérfræðingur viðskiptalausna dk

Advise Business Monitor

Advise Business Monitor

By Fréttir

Tenging við Advise Business Monitor

dk tengist öflugu mælaborði fyrir stjórnendur fyrirtækja

Advise Business Monitor er öflugt og notendavænt mælaborð sem tekur saman lykiltölur fyrirtækja í rauntíma og auðveldar stjórnendum að greina reksturinn og spara í leiðinni tíma og fyrirhöfn. Mælaborðið býður upp á fjölbreytta möguleika í uppsetningu sem auðvelt er að aðlaga að hverjum og einum.

Stöðluð tenging við fjárhags- og sölukerfi DK gerir það að verkum að notendur geta auðveldlega tengst Advise og sett upp sölu- og rekstrargreiningar á aðeins nokkrum klukkustundum.

Notendavæn nútímalausn – allt á einum stað

Bókhaldslyklar, vörur og viðskiptamenn eru flokkaðir með einfaldri „drag & drop“ virkni. Sjálfvirk uppfærsla tryggir að notendur eru alltaf með rauntímagögn og auðvelt er að aðgangsstýra mismunandi hlutum kerfisins fyrir notendur.

Advise Business Monitor

Hægt er að tengja önnur rekstrarkerfi fyrirtækja við Advise og hafa þannig öll rekstrargögn á einum stað og auðvelt er að aðgangsstýra

Greindu reksturinn, frávikin og tækifærin

Í rekstraryfirliti mælaborðsins er hægt að sundurliða og greina upplýsingar. Kerfið birtir hreyfingalista og nánari upplýsingar með hverri færslu. Hægt er að bæta við innsláttar og reiknilínum til að stilla upp viðeigandi rekstrarhlutföllum og öðrum lykil mælikvörðum rekstrar.

Advise Business Monitor

Advise innifelur áætlanagerð og frávikagreiningu þar sem hægt er að bera saman rauntölur við fyrri ár og áætlun. PDF skýrsla með einum smelli sem hægt er að nýta til að senda rekstrarupplýsingar á stjórnir fyrirtækja eða aðra hagsmunaaðila. Skýrslan tekur saman rekstraryfirlit, áætlun, frávikagreiningu og mælaborð.

Hönnun byggð á þekkingu og reynslu

Stofnendur Advise hafa unnið að greiningu fjárhagsupplýsinga fyrir fyrirtæki og fundu þörf stjórnenda fyrir notendavæna og sjálfvirka lausn sem dregur saman allar helstu tölulegar upplýsingar á einn stað og jafnframt sparar tíma og vinnu.

„Hlutverk okkar er að veita stjórnendum betri yfirsýn og innsýn í rekstur fyrirtækja til þess að þeir geti tekið upplýstar ákvarðanir, hagrætt í rekstri og náð settum markmiðum”

Markmið Advise er veita framúrskarandi þjónustu, leysa vandamál og skapa tækifæri fyrir viðskiptavini. Advise leggur áherslu á að bjóða upp á lausnir sem auðveldar stjórnendum að sinna því sem er algjörlega nauðsynlegt í rekstri fyrirtækja á snjallari og skemmtilegri hátt.

Þú finnur frekari upplýsingar á advise.is

Login to computer

Vegna öryggisgallans LOG4J

By Fréttir

Það hefur varla farið framhjá neinum að stór og alvarlegur öryggisgalli gerði vart við sig þann 9. Desember sl.

Hýsingar- og hugbúnaðarfyrirtæki um allan heim keppast nú við að hamla aðgengi, lagfæra og uppfæra sín kerfi vegna þess.

Við viljum láta okkar viðskiptavini vita að það er enginn vara sem dk þróar sem nýtir sér þetta kóðasafn og er því ekki viðkvæmt gagnvart gallanum.

Sérfræðingar dk vinna nú að því að greina, takmarka og uppfæra tölvukerfi í hýsingarþjónustu dk. Brugðist hefur verið við m.a. með takmörkunum á kerfum frá þriðja aðila sem eru í hýsingu hjá okkur.

Gera má ráð fyrir hugbúnaðaruppfærslum á mörgum hýsingarkerfum núna í vikunni, eða yfirlýsingu frá framleiðendum þess efnis að þeirra kerfi séu ekki möguleg skotmörk vegna þessa öryggisgalla.

Viljum við ráðleggja fyrirtækjum að skoða sín mál vandlega og fylgjast vel með framvindu mála.

Gagnlegar upplýsingar á vef Syndis 

Nánar má lesa á vef Oracle 

Þjónustufyrirtæki og sérlausnir

Lagabreyting vegna plastumbúða

By Fréttir

Þann 3. júlí síðastliðinn tók í gildi lagabreyting sem gerir matssölustöðum óheimilt að afhenda mat og drykk í plastumbúðum endurgjaldslaust. Með nýju reglunum þurfa því matsölustaðir að selja umbúðir sérstaklega sem voru áður innifaldar í verði vöru.  Þessar nýju reglur munu eiga við um alla veitingastaði, ísbúðir, bari og kaffihús og aðra sölustaði sem afhenda mat og drykk í umbúðum sem inniheldur plast, einnig lífplast.

dk býður upp á  viðbót við birgðakerfi dk sem heitir Viðhengisvörur. Viðbótin einfaldar sölu á umbúðum úr plasti sem viðhengisvöru annarra vöru. Þannig er hægt að bæta umbúðum við sjálfkrafa á reikning og verð reiknast rétt út við sölu.

Fyrirtæki sem þurfa að lúta þessum nýju reglum geta verið í sambandi við afgreiðslukerfadeild dk hugbúnaðar fyrir nánar upplýsingar og uppsetningu.

Sjá nánar á fréttablaðið.is:

https://www.frettabladid.is/frettir/rukka-fyrir-einnota-plastumbudir-i-byrjun-juli/

Fjarnámskeið hjá dk

By Fréttir

Nú er svo komið að flest námskeið hjá dk hugbúnaði hafa verið tekin upp og eru komin á heimasíðu dk. Fjarnámskeiðunum er skipt í þrjá hluta; stór námskeið, styttri námskeið og notendafræðsla. 

Stóru fjarnámskeiðin eru: 

  • dk Grunnur 
  • dk Fjárhagur / lánardrottnar 
  • dk launakerfi 
  • dk birgðir / sölureikningar 
  • dk skuldunautar / innheimta 
  • dk verkbókhald 
  • dk gjaldmiðlar 

Styttri fjarnámskeiðin eru m.a: 

  • Afstemming banka
  • Fjárhagsáætlun
  • Vörutalning

Notendafræðsla (Gjaldfrjáls) er m.a: 

  • Stofnun á grunntöflum kerfisins 
  • Ýmis námskeið tengd dkPos afgreiðslukerfinu 

Stöðug uppfærsla fjarnámskeiða 

Stóru námskeiðin eru seld eins og áður. Nemandi hefur 7 daga til að horfa á efnið. Í stuttu námskeiðunum er tíminn takmarkaðri eða 3 dagar. Notendafræðslan er gjaldfrjáls og hægt að skrá sig inn eins oft og þarf.

Stöðugt er unnið að nýjum námskeiðum og námsframboðið mun aukast mikið næstu misserin.

Námskeiðin eru aðgengileg af heimasíðu dk hugbúnaðar dk.is/namskeid 

Umsjónamaður námskeiða hjá dk hugbúnaði er Jónas Yngvi Ásgrímsson og netfangið er namskeid@dk.is  

Godo vefþjónusta

Tenging við GODO

By Fréttir

Öflugar vefþjónustur tengja saman DK og Godo Property hótelbókunarkerfið.

Godo er íslenskt hugbúnaðarfyrirtæki sem hefur hannað og þróað lausnir fyrir ferðaþjónustuna á Íslandi frá árinu 2012. Hjá fyrirtækinu starfa um 50 manns við þróun og þjónustu á hugbúnaðarlausnum fyrir ferðaþjónustuna á Íslandi. Godo þjónustar yfir 1100 gististaði og ferðaskrifstofur á Íslandi í dag.

Godo býður upp á heildstæðar hótellausnir sem snerta á öllum sviðum gistirekstrar og má þar nefna:

  • Hótelbókunarkerfi
  • Markaðstorg fyrir ferðaskrifstofur
  • Tengingar við bókhaldskerfi
  • Tengingar við greiðsluhirða
  • Þrifa og viðhalds app í síma starfsmanna
  • Verðstýringarhugbúnað
  • Heimasíður fyrir hótel og gististaði
  • Bókunarvél á heimasíðu

Hótelbókunarkerfið Godo Property er með innbyggðum rásastjóra ( e.channel manager ) sem tengir framboð gististaða beint við allar þær sölurásir sem þú vilt tengjast sbr. Booking.com, Airbnb, Expedia ofl. Kerfið byggir á sjálfvirknivæðingu á öllum þeim aðgerðum sem atvinnurekendur eyða hvað mestum tíma í dags daglega, sbr. rukkanir á greiðslukortum, samskipti við gesti osfrv.

Godo Property vefþjónustutenging gerir þér kleift að senda bókaða reikninga frá hótelbókunarkerfinu yfir í DK fjáhagsbókhald. Þú getur sömuleiðis sótt allar upplýsingar vegna innskráðra gesta á herbergi inn í DK Pos afgreiðslukerfi og með auðveldum hætti sent vörur og þjónustu frá DK Pos afgreiðslu  inn á herbergjabókun.

Sjá nánar: https://www.godo.is/

Nánar um DK fyrir hótel og ferðaþjónustu: https://dk.is/hotel-og-ferdathjonusta

 

dk útgáfa 5.0

dk útgáfa 5.0

By dk hugbúnaður

Tímamótaútgáfan „Útgáfa 5.0“ af dk hugbúnaði hefur nú verið gefin út.

Töluverðar breytingar hafa orðið á útliti kerfisins sem gerir notendaupplifunina mun betri.
Í þessari útgáfu hefur nýtt notendaviðmót verið tekið upp. Aðalvalmynd kerfisins ekki lengur fljótandi heldur föst. Lögð er meiri áhersla á tækjastiku kerfisins sem aðlagar sig að þeim töflum og kerfiseiningum sem unnið er með hverju sinni.

Í útgáfunni eru fjölmargar nýjungar í hinum ýmsu kerfiseiningum dk viðskiptahugbúnaðar.  Að auki inniheldur útgáfan breytingar á ýmsum öðrum þáttum s.s. almennar lagfæringar og þróun.

Til að auðvelda notendum að læra inn á nýtt viðmót kerfisins, hefur verið útbúið nýtt vefsvæði. Þar er farið yfir m.a. útlit kerfisins, stillingar og notendastillingar.

Kynningarefni fyrir nýja útgáfu dk: https://dk.is/dk-5-0-0

Kynningarefni fyrir nýtt viðmót dk viðskiptahugbúnaðar:  https://dk.is/dk-5-0-0-vidmot

Á næstu dögum og vikum munum við hjá dk hugbúnaði uppfæra öll fyrirtæki sem eru í hýsingu hjá okkur í útgáfu 5.0.0. 

Útgáfan kemur svo fljótlega inn á uppfærslu síðuna hjá dk fyrir þá sem eru ekki í hýsingu hjá dk.

Tenging við Booking Factory

By Fréttir

dk hefur gert tengingu við Booking Factory bókunarkerfið. Booking Factory eru hótellausnir sem samanstanda af hótelbókunarkerfi, channel manager, bókunarvél og býður einnig upp á vefsíðugerð.

Hótelbókunarkerfið er öflugt en einfalt með nútímalegu viðmóti, sjálfvirkni í samskiptum og greiðslum auk tenginga við endursöluaðila, tekjustýringartól og kassakerfi. Kerfið hefur verið valið eitt af bestu hótelbókunarkerfum árið 2021 af hotelminder.com, sem sérhæfir sig í tækni og markaðsráðgjöf fyrir sjálfstæð hótel og gististaði, þar sem það er öflugt en einfalt og notendavænt og í stöðugri þróun.

Booking Factory er með markaðstorg lausna sem tengjast hótelbókunarkerfinu. Allt frá bókhalds- og tekjustýringarkerfum yfir í kassakerfi og „housekeeping“ smáforrit, sem hjálpar við að sjá um reksturinn á skilvirkan hátt. Með Channel Manager er hægt að tengja kerfið við fjölda sölurása líkt og Booking.com, Expedia og AirBnB.

Bókunarvél fylgir kerfinu en einnig er hægt bæta við fleiri sérsníddum bókunarvélum. Booking Factory býður upp á uppsetningu á vefsíðum sem hýstar eru hjá Amazon webservice. Vefssíðurnar eru öruggar, hraðar og skalanlegar með innbyggðum stuðning fyrir leitarvélar. Hvort sem þig vantar einfalda bókunarvél  eða sérsniðna lausn þá getur þú leitað til Booking Factory.

Sjá nánar á:  https://bookingfactory.io/is og á https://dk.is/hotel-og-ferdathjonusta/

 

Neyðarkallinn 2021

By dk hugbúnaður

Sala á Neyðarkallinum 2021 er byrjuð hjá björgunarsveitum landsins. dk hugbúnaður hvetur alla landsmenn að taka vel á móti sölufólki björgunarsveitanna sem verður grímuklætt að þessu sinni við söluna.

dk hugbúnaður keypti Neyðarkallinn af björgunarsveitinni Súlur á Akureyri að þessu sinni. Brynjar Tryggvason forstöðumaður útibús dk hugbúnaðar á Akureyri tók á móti Neyðarkallinum nú á dögunum.

Starfsfólk dk hugbúnaðar óskar björgunarsveitum landsins velfarnaðar við söluna.

Myndir: Björgunarsveitin Súlur @Sulurbjorgunarsveitin 

Staðgreiðsluprósenta 2021

By dk hugbúnaður

Staðgreiðsluprósenta 2021

Á vef RSK eru komnar staðgreiðsluforsendur fyrir árið 2021 -> sjá hér. Á leiðbeiningar og hjálparefni vefsíðu dk eru tvö myndbönd, annað fyrir að stofna nýtt ár og hitt fyrir nýtt launaár. Þau myndbönd eru ennþá í gildi, nema núna þarf að stofna bókhaldsárið 2021 og hægt að setja inn nýjar staðgreiðsluforsendur fyrir launaárið 2021 þegar áramótaútgáfan af dk verður komin út.

Opnunartími þjónustuvers dk um jól og áramót

Miðvikudagur 23. des 08:00-17:00
Fimmtudagur 24. des 08:00-12:00
Fimmtudagur 31. des 08:00-12:00
Föstudagur 1. janúar Lokað

Áramótavinnnslur 2020-2021

By dk hugbúnaður

Eins og undanfarin ár mun dk hugbúnaður halda námskeið í áramótavinnslum.

Þrjú námskeið verða haldin:

Mánudagurinn 21. des kl. 09:00 – 12:00

Þriðjudagurinn 22. des kl. 09:00 – 12:00

Þriðjudagurinn 29. des kl. 09:00 – 12:00

Skráðu þig á námskeiðið með því að hringja í 510 5800 eða senda póst á namskeid@dk.is

Nánari upplýsingar á námskeiðs síðu dk

Námskeið verða eingöngu kennd í fjarkennslu með Zoom forritinu. Gott er að hafa heyrartól með hljóðnema þar sem það dregur úr hættunni á umhverfishávaða.

Nauðsynlegt er að rétt netfang þátttakenda sé skráð því boðað er til námskeiðsins með tölvupósti.  Þáttakendur munu fá sent Zoom boð hálftíma fyrir upphaf námskeiðs. Þáttakendur þurfa að smella á tengilinn sem er í póstinum og tengjast þá skjálfkrafa inn á námskeiðið. Einnig mun handbók þar sem atriði námskeiðsins eru útskýrð vera send með tölvupósti.

Verð námskeiðs er óbreytt frá fyrra ári kr. 20.000,- m.vsk

 

Hvernig á að hreinsa posa?

By dk hugbúnaður

Flest viðskipti í dag eiga sér stað með snertilausum greiðslumátum. Í ljósi aðstæðna er mikilvægt að huga að hreinlæti greiðsluposa.  Á vef Verifone eru góðar leiðbeiningar varðandi þrif á greiðslubúnaði sem dk mælir með að fyrirtæki kynni sér: Hvernig á að hreinsa posa?

„Hreinsa á mildan hátt með hreinum og rökum klút til að fjarlægja óhreinindi, með microfiber klútum þar sem þær eru slitsterkar. Það er í lagi að nota 1-2 dropa af mildri sápu með. Vinsamlega ekki nota sterk efni.

Eftir hreinsun má sótthreinsa tæki með rökum sótthreinsiklút eða setja 70-90% sótthreinsiefni í hreina tusku og strjúka af tæki, ekki þarf að nudda fast. Það er í lagi að hreinsa skjái á sama hátt, passið að ýta ekki fast á skjáinn. “

 

Hollenskt fyrirtæki kaupir dk hugbúnað

By dk hugbúnaður

Hollenska fyrirtækið Total Specific Solutions (TSS) hefur gengið frá kaupum á öllu hlutafé í íslenska hugbúnaðarfyrirtækinu dk hugbúnaði ehf. Félagið verður áfram rekið sem sjálfstæð eining á Íslandi.

„TSS er hluti af Constellation Software Inc. sem skráð er í kanadísku kauphöllinni. dk hugbúnaður er rúmlega tuttugu ára gamalt fyrirtæki sem er leiðandi í sölu og þróun viðskiptahugbúnaðar hér á landi, með yfir 5.000 viðskiptavini og tæplega tveggja milljarða króna veltu á ári.“ Arion banki hafði umsjón með söluferlinu.

„Þegar við lítum um öxl á þessum tímamótum erum við, stofnendur dk hugbúnaðar, afskaplega stoltir af þeim árangri sem náðst hefur. Nú er að hefjast nýr og spennandi kafli í sögu félagsins og við hlökkum mikið til að vinna með TSS að áframhaldandi uppbyggingu og öflugri þjónustu við viðskiptavini okkar hér á landi,“ segir Dagbjartur Pálsson, forstjóri dk hugbúnaðar.

sjá nánar á vb.is

Mynd: Haraldur Guðjónsson

 

Vogue tekur upp dk

By dk hugbúnaður

Vogue er eitt af þeim fjölmörgu meðalstóru fyrirtækjum sem hafa tekið upp viðskiptalausn frá dk hugbúnað á þessu ári. Vogue er staðsett í Síðumúla 30 í Reykjavík og á Hofsbót 4 Akureyri.

Þær lausnir sem Vogue nýtir sér frá dk hugbúnaði eru m.a. Fjárhagsbókhald, öflugt birgða- og innkaupakerfi ásamt tollakerfi. Sölukerfi með sölupöntunum og sölutilboðum ásamt dk Pos afgreiðslukerfinu sem hentar vel þar sem krafa er um hraða afgreiðslu.

Viðskiptalausnin er svo tengd við netverslun www.vogue.is  frá Smartmedia. Kerfið er að fullu pappírslaust og rafrænt sem er mikilvægur eiginleiki fyrir þjónustufyrirtæki í dag. Hýsing gagna er örugg með dk Vistun hýsingarlausninni frá dk. Rafrænir reikningar og rafrænar EDI skeytasendingar eru hluti af þeim fjölmörgu lausnum sem Vogue nýtir sér frá dk.

dk hugbúnaður óskar Vogue til hamingju með nýju hugbúnaðalausnina.

Mynd:

Glæsilegur sýningarsalur hjá Vogue fyrir heimilið.

dk uppfærsla 4.4.6

By dk hugbúnaður

Á næstu dögum munum við hjá dk hugbúnaði uppfæra öll fyrirtæki sem eru í hýsingu hjá dk í útgáfu 4.4.6. Nú þegar eru allmörg fyrirtæki komin í umrædda útgáfu en nú verða öll fyrirtæki í hýsingarumhverfi dk færð í hana.

Í þessari útgáfu hefur nýtt viðmót verið tekið upp í öllum kerfum hugbúnaðarins og ekki lengur hægt að nota það eldra. Einnig inniheldur útgáfan breytingar á ýmsum öðrum þáttum s.s. almennar lagfæringar og þróun. Nýja viðmótið mun til að mynda auka öryggi í verkbókhaldskerfinu. Viljum við benda viðskiptavinum okkar sem nota verkbókhaldskerfið og verða varir við þessa breytingu, að hafa samband við þjónustudeild dk hugbúnaðar í síma 510-5800 til að fá leiðbeiningar varðandi breytingarnar. Einnig má senda tölvupóst á hjalp@dk.is

Þjónustudeild dk hugbúnaðar

65
Awards Won
268
Completed Designs
37
GitHub Repo's
439
Cups of Coffee
Close Menu

dk - Íslenskar viðskiptalausnir